உற்சாகம்

 

ஒருத்திக்கு எப்பொழுது
உற்சாகமடைவாள்
தெரியாது
ஏன் உற்சாகமடைகிறாள் என்பதும்
தெரியாது
உற்சாகத்திற்கு காரணமானவனுக்கும்கூட

காரண காரியமின்றி
சில சம்பவங்கள் நடக்கலாம்
ஒரு சொல் போதும் ஒருவன் சாவதற்கு
ஒரு சொல் போதும் ஒருவன் வாழ்வதற்கு
இதில் சொல்பவர் யார் என்பதுதான்
சொல்லின் முக்கியம்

இந்தச் சொற்களுக்குப் பின்னால்
ஓர் ஆணும் இருக்கலாம்
ஒரு பெண்ணும் இருக்கலாம்
பெண் என்பவள்  சக்தி என்றால்
ஆண் என்பவன் யார்
ஆண் என்பவன் சக்தி என்றால்
பெண் என்பவள் யார்

எந்தப் புராணத்தைப் பற்றியும்
பேச விரும்பவில்லை

ஒரு சொல் என்பது
ஒருவனை வாழ வைக்குமென்றால்
அந்தச் சொல்லை சொல்வேன்

………………………………………………………………………………….சக்தி ஜோதி