காதல் விதி

எத்தனை முறைதான்  இந்தக் குளிர்நிலவில் நனைவது

மேலும்

இந்தக் குளிர்காற்று

ஏன் என்னைத் துன்புறுத்துகிறது

 .

நான் உன்னால் நிலவாகக் குளிர்ந்து கொண்டிருக்க

என்னால் நீ ஏன் தகித்துக் கொண்டிருக்கிறாய்

எதிர் எதிர் திசைகளில் பயணிக்கும் நாம் எவ்வாறு

ஒருவரை ஒருவர் ஆகர்ஷிக்கிறோம்

 .

சுழன்று கொண்டிருக்கும் இந்தப் பூமி

விதிகளால் நிரம்பியது

.

எந்த விதிகளுக்கும்  ஆட்படாதது

.

நிலவில் காய்ந்து கொண்டிருக்கும் நாம்

ஒரு புள்ளியில் இணையும் போது

உதிக்கத் தொடங்குகிறோம்.

…………………………………………………………………………..சக்தி ஜோதி